Вяртаньне на крукі свая...

Вяртаньне на крукі свая...

блог аднаго скамароха

[User Info] [Recent Entries] [Friends] [View Subjects] [Archive] [Тэзэй беларускага постмадэрнізму]

Monday, August 2nd, 2010

НЕ ЗАБУДЗЬ ПРЫДБАЦЬ І КУЛЬТУРНА СПАЖЫЦЬ!

music: Тарас Чубай - Лента За Лентою

Thursday, November 26th, 2009

Шчасце-то якое!

Цытата (вылучэнне тлустым маё):

С 19 по 21 ноября с.г. в Республиканском горнолыжном центре «Силичи» состоялся Круглый стол с участием молодых писателей Беларуси, который организовал Фонд СЭИП, Союз писателей Беларуси, литературные журналы «Пролог», «Дружба народов» и «Современная драматургия» при финансовой поддержке Межгосударственного фонда гуманитарного сотрудничества государств-участников СНГ.

[...]

По результатам Круглого стола практически все участники были отмечены и получили возможность опубликоваться в толстых литературных журналах и в сборнике «Новые писатели России».

location: Галацічаск

music: KRYVAKRYŽ - Великая Литва

(88 comments | Leave a comment)

Friday, November 13th, 2009

Спроба беларускіх маскалікаў

Слова ў дарожку
Маскалік – кароткі рыфмаваны дасціпны верш, які ёсць пародыяй на фрагмент «Паланэза Касцюшкі» Райнальда Сухадольскага (1831 г.):

Kto powiedział, że Moskale
Są to bracia dla Lechitów,
Temu pierwszy w łeb wypalę
Przed kościołem Karmelitów.

( працяг слова ў дарожку )

Беларускія маскалікі

1.
Хто сказаў, што беларусы
спажываюць мала сала,
той заробіць колькі гузаў
ля сабору Пётры й Паўла.

( яшчэ дзевяць маскалікаў )

location: Галацічаск

music: Andrzej Rosiewicz - Polesia czar

(13 comments | Leave a comment)

Friday, October 23rd, 2009

Пра бяззубасць беларускай літаратуры

location: Галацічаск

music: Imperio - Atlantis

(7 comments | Leave a comment)

Saturday, October 10th, 2009

Рыдлёўкі і скроні

Працытую два ўрыўкі:

1.
скачок, висок
лопаты и виски
прыгни выше
прыгни ниже
помахаешь ручкой

2.
арбуз, арбуз, арбуз
арбуз лежит
блестящая сосулька
над арбузом висит
тут, тут, тут

І спытаю: з якім мастацкім кірункам і якім перыядам вы б звязалі гэтыя радкі?

location: Галацічаск

music: Барто - Берлин

(2 comments | Leave a comment)

Thursday, October 8th, 2009

Нешта насоўваецца

Праўдзівая гісторыя Кацапа, Хахла і Бульбаша

Падрабязнасці ў блогу Славы Ахроменкі (з фрагментамі твору) і на сайце «Будзьма».

location: Галацічаск

music: ТІК - Сіржант

(7 comments | Leave a comment)

Wednesday, September 30th, 2009

Знакаміты пісьменнік перад будучыняй

1918

Так ён выглядаў у 1918 г. Спадзяюся, усе здагадаліся, хто гэта такі.

Скажыце, дарагія фрэндэсы, калі б вам сустрэўся такі салдацік, вы б закахаліся?

location: Галацічаск

music: 30 Seconds to Mars - Oblivion

(6 comments | Leave a comment)

Шкадаванне аб паэзіі

Мушу са шкадаваннем канстатаваць, што на гэтым этапе майго жыцця няма ніводнага беларускага паэта, чыя творчасць рэзаніравала б з маёй душой. Калі і ёсць выняткі, дык гэта паасобныя прыклады песеннае паэзіі.

location: Галацічаск

music: 2 Unlimited - No Limit

(8 comments | Leave a comment)

Wednesday, July 22nd, 2009

ВЫХАВАНЬНЕ ДЗЯЎЧАТ У ЧЭХІІ

Паглядзеў сёньня чэскі фільм "Výchova dívek v Čechách", які быў зьняты паводле аднайменнага раману Міхала Вівэга. Глядзеў у арыгінале, хаця чэскай мовы зусім ня ведаю. Спадзяваўся збольшага зразумець, бо пару разоў чытаў раман у перакладзе Сяргей Сматрычэнкі (

smatrycenka) на беларускую. Так, многае ўспаміналася. Але ж сцэнар і раман усё-ткі адрозьніваюцца. Таму падглядаць у старонкі зь беларускім перакладам было бессэнсоўна. Цікава, што значная частка эпізодаў, зьвязаных са школай у фільме адсутнічае, хаця ў рамане яны выглядаюць вельмі яскрава і камічна. Акторы спадабаліся ня вельмі. У тым сэнсе, што чытаючы раман, я ўяўляў галоўных герояў зусім іншымі. Ці не адзінае выключэньне – Крысьціна Навакава (Kristýna Nováková), якая іграла малодшаю сястру галоўнай гераіні. А ўвогуле мне здаецца, што добра было б зрабіць ня толькі беларускі дубляж гэтага фільма, а і зьняць уласна беларускі рымэйк з усёй нашай настаўніцка-літаратурнай спэцыфікай. Аднак гэта ня больш, чым летуценьні.

location: Галацічаск

music: Muse - Stockholm Syndrome

(16 comments | Leave a comment)

Friday, July 17th, 2009

МЕСЦА ДЛЯ КНІГ

Інтэр'ер кнігарні Vagabond у Стакгольме (Швэцыя).

Цікава, ці хопіць месца, калі на гэтыя паліцы выставіць па адным найменьні кніг беларускай мастацкай літаратуры, якія выйшлі ў прыватных выдавецтвах за апошнія гадоў пяць ?

Фота: Smånsk Design Studio

location: Галацічаск

music: Re1ikt - Брудная дзяўчына

(3 comments | Leave a comment)

Thursday, July 16th, 2009

ВЫЗВАЛІЦЬ ДЭРЭША

Учора падчас абмену думкамі з

canobe пра творчасьць украінскага пісьменьніка Любка Дэрэша я заўважыў, што некаторыя нашы літаратуразнаўцы, крытыкі і перакладчыкі шкадуюць з нагоды адсутнасьці беларускага Дэрэша. На гэта фрэнд без шкадобы прапанаваў забіраць сабе Дэрэша, а ў выпадку супраціву з боку таго параіў: "Проведите спецоперацию и забирайте насильно". Мне так і ўявілася гэтая беларуская літаратурная група спэцыяльнага прызначэньня, якая адправіцца выканаць місію вызваленьня маладога генія з памаранчавага пекла. Дабраахвотнікі ё? ;)

Фота: Airchinapilot

location: Галацічаск

music: MGMT - Time To Pretend

(18 comments | Leave a comment)

Sunday, July 12th, 2009

КРЫШАДЗЮБ

Стыў Айлет
Крышадзюб
Тэры Тантамаўнт жыў, быццам кацянё, якое караскалася па лесьвіцы. Ён і блізка не ўяўляў, як трэба слушна казаць у той ці іншай сытуацыі. Дый наагул яго разуменьне слушнага і няслушнага выглядала вельмі адмыслова.

– Я набрала вагу?
– Так, дзякуй богу.

На званым абедзе, калі ён узяў двух амараў, зьвёў іх разам і стаў імітаваць іх гутарку – нават тут ён ня здолеў выбзьдзець адпаведнага словаабмену. Людзей перасмыкала ад зьбянтэжанасьці. Іншым разам ён заўважаў, што яго спрабавалі абараніць, але пераважна яму бачыліся расчараванасьць, пагарда, гнеў і нават грэблівасьць.

( працяг апавяданьня )

location: Дзікі Нікар

music: Лінія разрыву #18 - Па той бок сонца

(23 comments | Leave a comment)

Saturday, July 11th, 2009

КНІГІ І АМАТАРЫ

У сьвеце столькі шмат кніг на аматара, што пачынаеш сумнявацца, ці знойдзецца насамрэч столькі аматараў.

location: Галацічаск

music: Лінія разрыву #18 - Чорная котка белых тунэляў

(2 comments | Leave a comment)

Wednesday, July 1st, 2009

ТВОРЧАЕ СТАЛЕНЬНЕ

У юнацтве імкнуўся атаясаміць каханую дзяўчыну з вобразам пэўнай літаратурнай гераіні. Цяпер, калі і зьяўляецца тая, якую язык паварочваецца назваць каханай, найхутчэй робіш яе прататыпам гераіні сваіх патэнцыйна верагодных твораў.

location: Галацічаск

music: Muse - Soldier's Poem

(13 comments | Leave a comment)

Saturday, June 27th, 2009

ЧЫТАНЬНЕ І ПЫТАНЬНЕ

Учора на ЦТ па фізіцы мне без дай прычыны здгадаўся эпізод з уроку "Чтения", калі я вучыўся ці ня ў трэцяй клясе.

Мы тады чыталі "рассказик" (а насамрэч, урывак з раману Шолахава), дзе дарослы мужчына размаўляў з хлапчуком і ўвесь час зьвяртаўся да малога на "вы". Нядзіўна, што наша настаўніца Бэла Юр'еўна спытала ў нас, чаму мужчына так рабіў. Яна абвяла клясу строгім позіркам і вылавіла мяне. Цягам усяго школьнага жыцьця настаўнікі выклікалі мяне адказваць на тыя пытаньні, на якія я адказаць ня мог. Так і тут.

– Что Серёжа Балахонов думает? Почему главный герой обращается к мальчику на "вы"?
– Ну... Наверное, этот мужчина был очень вежливым, – выціснуў зь сябе я.

Гэта можа ў цяперашняй школе настаўніца падзяквала б за маю думку і перайшла б да высьвятленьня думак іншых. Але Бэла Юр'еўна адразу ўхмыльнулася і сказала:

– Да при чем тут вежливость! Просто главный герой любит детей. Понятно?
– Понятно, – сказаў я, не разумеючы, з чаго можна здагадацца, што ў "рассказику" гаворыцца пра любоў да дзяцей.

location: Галацічаск

music: Junkie Xl Feat. Electrocute - Mad Pursuit

(12 comments | Leave a comment)

МІСТЫЧНЫЯ ФРАГМЭНТЫ БЕЛАРУСКАЙ ПРОЗЫ

Адзін знаёмы гомельскі хлапец зьбіраецца паступаць у ВНУ, дзе на ўступным выпрабаваньні патрэбна прачытаць напамяць паэтычныя і празаічныя творы ці ўрыўкі зь іх. Абітурыент збольшага вызначыўся з тэкстамі, акрамя фрагмэнта зь беларускага празаічнага твора. Яму хацелася б, каб зьмест гэтага твора меў містычны характар. Я яму параіў у якасьці магчымага варыянту "Ладзьдзю роспачы" Уладзіміра Караткевіча і эпізоды, дзе галоўны герой размаўляе са Сьмерцю і гуляе зь ёй у шахматы. Але гэта мая думка і мая прапанова. Можа быць, шаноўныя фрэнды, вы параіце яшчэ нешта? Калі ласка.

location: Галацічаск

music: Leonard Cohen - Everybody Knows

(5 comments | Leave a comment)

Friday, June 19th, 2009

ГОЛАЯ ПРАЎДА МУЖЫЦКАЯ

Голая праўда мужыцкая

Тако ж полепшалъ бы грети конець всегда.
“Аристотелевы врата” (XVI ст.)

Петрака ўжо не было, кудысьці сышоў, і яна падумала:
мабыць, у Выселкі, трэба ж прасіць у каго каня, даць рады
той выспе. Іншыя ўжо адсеяліся, а яны не маглі яшчэ ўзараць.
Васіль Быкаў “Знак бяды”

Сіры цаніла беззаганнасьць – тую, якую можна было памераць.
Стыў Айлет “Пісталет Сіры”

Ну, вось і выйшаў “Канец словаў” – каляндар з выявамі сучасных беларускіх літаратараў ( ... )

location: Галацічаск

music: Muse - Stockholme syndrome

(53 comments | Leave a comment)

Monday, May 18th, 2009

АД КНЯЗЯ ІГАРА ДА ВАЛЯНЦІНЫ Г.

Кажуць, што ў англамоўным сьвеце набіраюць папулярнасьць інтэрпрэтацыі клясычнай літаратуры для мікроблогу Twitter, дзе памер паведамленьня абмяжоўваецца 140 знакамі. Сьцьвярджаецца, што на Twitter ушчыльнілі нават 1000-старонкавага «Уліса» Джойса. Вось і я, натхніўшыся магчымасьцямі мікраблогінгу, вырашыў ушчыльніць колькі твораў літаратуры Беларусі розных эпохаў.

( Чытаць больш )

Ёсьць што дадаць?

location: Галацічаск

music: Слот - Trinity

(17 comments | Leave a comment)

Thursday, May 14th, 2009

ПРА ЦЭНЗУРУ НОРАВАЎ

Іван Пташнікаў пра патрэбу меры ў сучаснай літаратуры: "Нам не пашкодзіла б цэнзура нораваў". Не зусім зразумела пра што гаворка. Калі пра спэцыяльную структуру, якая б адсочвала літаратурны працэс і ставіла творам сваё катэгарычнае таўро, дык нічога добрага для літаратуры ад гэтага не дачакаемся. Прыклад украінскай камісіі па справах маралі сьведчыць, што добрымі намерамі забрукаваная дарога ў апраметную. Дык то ж Украіна. Варта падобнай камісіі зьявіцца ў нас, і ў апраметную праляжа не брукаванка, а хуткасная магістраль.

location: Галацічаск

music: Depeche Mode - Little 15

(Leave a comment)

Saturday, March 21st, 2009

ІДЗЕ ВАЙНА СЬВЯТАРНАЯ...

Валера Руселік зрабіў паўнавартасны адказ на эпатажны допіс непрызнанага заходнерускага генія Ціма Скарэнкі:

Крэолы — бы дзеці малыя. Калі баяцца чагосьці вялікага й мацнейшага за іх, яны заплюшчваюць вочы й хуценька-хуценька мармычуць сабе пад нос: «Цябе няма, ты не існуеш — і я цябе не баюся! Беларусаў няма! Беларускай Незалежнасьці няма! Беларускай мовы няма! Беларускай літаратуры няма!.. Не баюся, не баюся, не баюся...». І ўсё адно баяцца. Гэта ж і сапраўды страшна, калі баісься тых, каго не існуе! Прывіды, дэманы, чэрці, беларускія пісьменьнікі — жах!

Мяккавата ў параўнаньні з маім уласным крэатывам на тую ж тэму, але збольшага дасьціпна і трапна. Дзякуй за працяг сьвятарнае вайны за беларускую літаратуру.

location: Рудня Гулева

music: Placebo - Every You Every Me

(2 comments | Leave a comment)