"СТРАСТЕЙ ДОСАДЫ ТЕРПЯШЕ..."
Адзін з самых дзіўных вершаў Сімяона Полацкага апавядае пра юнага манаха і дэманскія чары спасланыя на яго срамный уд, а таксама пра спосаб лячэньня падобнай болесьці.

Осязание
В обители некоей инок юный бяше,
иже многи от страстей досады терпяше:
не може коснутися своим срамным удом
без мыслей злых, но с многим в уме брася блудом.
Теж обет сотворил есть тым ся не касати,
аще бы и велику болезнь пострадати.
Демон, того не любяй, пакость сотворил есть,
тяготу ему в срамнех удех положил есть.
Даже свинец носити себе непщеваше,
а не плотские уды. О коль тяжко бяше!
Трудися бедный инок, скорбь с срамом таил есть,
но нужде належавшей неким известил есть.
Началник благоумный ял есть совещати,
да ся не опасает удом прикасати.
Он поминая излиха бояся,
от прикосновения всячески держася.
Терпе тяготу вину, а что бе не знаше,
рукою коснутися удом не дерзаше.
Видя беду, началник пригласил есть,
себе уды явити онаго нудил есть.
Послуша отца юный. Пред мужем толиким
показа тайный уд си со срамом великим.
И се здрав совершенно уд онаго бяше,
токмо притвор демонский бедному стужаше.
Оттоле инок скорби тоя свободися,
зрения мужа честна демон устрашися.
Смири себя муж святый, что есть срамно зрети
гордый враг не возможе того претерпети.
Исчезе со притворством, инок свобод бяше,
благодарствие отцу началнику творяше:
яко не возгнушася срамных уд смотряти,
самем зрением врачбу скорби содеяти.

Крыніца: Cимеон Полоцкий. Вирши. Минск, 1990. С. 372.