ПЕСЬНІ ПРА КАТОЎ
Ёсьць такі дзіцячы вершык (я калісьці яго ўжо згадваў у сваім блогу):

Села кошка на парожку,
Вяжа коціку панчошку,
А пасьля пашые тапкі,
Каб у ката ня мерзьлі лапкі.

Вырашыў я ўявіць, што б сталася, калі б розныя беларускія гурты натхніліся гэтым шэдэўрам дзіцячай лірыкі і напісалі пад яго ўплывам песьні.

N.R.M. "Kotka i Koška"
Дарагія кацяры і ўсе кацяняты,
уставайма на вушы, уставайма на лапы.
Уявіце - засада, мур-мяў-мур-курняў,
сваю любую жонку ня так я назваў.

Я назваў яе коткай, зрабіўшы лухту.
Атрымаў я па костках, дастаў па хрыбту.
Мне ня бачыць панчошкаў і тапкаў ня мець,
мая любая кошка сказала мне "гэць!"

J:МОРС "Кошечка"
Мучительно больно отбросишь ты спицы,
попьешь молока, поиграешь с синицей.
Ты ожидаешь меня с нетерпеньем,
журналы о моде ускорят мгновенья,
выкроек новых подыщешь к сезону -
теплая, прочная, стильная вещь.

Помурлыкаем на пару,
Моя кошечка с тобою,
Ты прекрасна до угара,
Для тебя мой хвост трубою.
Ты присела на порожке,
Ты меня вновь ожидаешь.
Мне мороз кусает ножки,
только ты меня спасаешь.
Лишь ты спасаешь меня.

Стары Ольса "Жонка слаўная" (тэкст узяты з "Кронікі" Кацея Курноўскага, XVI ст.)
Слаўлю я адданасьць жонкі пана Кошкі,
што таму зьвязала добрыя панчошкі,
каб спакойна пан пайшоў з крыжаком змагацца,
каб Літва свабодаю магла красавацца.
А пашыла шчэ яму тапкі па-сармацку,
каб прыморазак ліхі не засьпеў зьнянацку.

Троіца "Каток"
Ой, ішоў каток
залаты лабок,
што і нёс яечка ён
залаценькаё.
А куды ж каток
дай яечка нёс?
Ці да вутачкі?
Ці да курачкі?
Ці да сучкі якой
нёс яечка ён?
Ні да вутачкі,
ні да курачкі,
а да кошкі сваёй
да любіменькой.
Што ж любіла яна
дай свайго катка
і вязала яму
рэчы чудныя.
І панчошачкі,
і калготачкі
дай жа тапкі шчэ,
каб ня мерз вабшчэ.

Чырвоным па Белым "Катовы сакавік"
Вось зноўку сакавік. Сястра Кэт тэлефануе.
Чую "хнык!", немы крык, я зразумеў усё ў міг:
шмыг, мой швагер Кот, як чорт захрас у блудзе.
Яго не ўтрымаеш дома, ня горне стома,
ні мілая кіска, ні рыбка, ні віскас, ні доктарская сасіска,
ні малака поўная міска не хвалююць Ката і блізка,
артэрыяльнага ціску ці там адмарозіць піпіску не баіцца вырвіска.
Бо ж вясна прыйшла й заюрыла Ката
талымі ручаямі, адліжнымі баямі зь зімнімі нестаякамі,
абломамі ды касякамі. Вясна валадарыць
і маім сваяком, і усімі катамі,
Гэта ня сьмех, не раман Муракамі,
мне б самому стрымаць спакусу ў аркане,
закідаць камянямі пажаду і швагра дахаты адправіць.

Сакавік. Месяц катовы.
Сакавік. Коцік марцовы.
Куды пабег ад роднага парожку?
Ніхто нідзе ня дасьць табе панчошку!
Сакавік. Месяц катовы.
Сакавік. Коцік марцовы.
Куды пабег ад роднае ты хаткі?
Ніхто нідзе ня дасьць табе й паўтапкі!

Глюкі "AntiMICKEY (Balet)"
Масла мала. Мышак многа.
Куды вядзе мая дарога?
Дзе спынюся й разыйдуся -
мікі маўсам пажыўлюся?
Пакідаю за плячыма
дом і Мурку дарагую.
Хто сказаў, што шлях мышыны?

Дзе мікі маўс? Джэры дзе?
Ратаваньня вам няма. Добра вас
зараз новым тапкам паганяю.

Maŭzer "Брудны Сьнег"
Кароткачасовы сьнег зацягнуўся па самае не магу.
Цяжкія чорныя хмары прыгналі ўсходнія псы.
Скочыць на чорны сьнег і перастаць быць
Кацярам, што ўмее любіць.
Далей пурга. Чорных сабакаў брудныя храпы.
Калі нешта ня так, адарві сабе лапы.
Але гэта ня выйсьце, пра выйсьце спытай лепш у кошкі:
з гэтай нагоды кошка зьвяжа панчох!

Холад сабачы! Брудны сьнег ізноў!
Ды перайначыць сьвет дзеля катоў
кошка-мастачка, умелая швачка.
Брудны сьнег, гоў хоўм!

:B:N: "Экраны"
Мае лапкі замерзьлі па зіме
ад халоднае сьцюжы.
Я здымаўся ў рэкляме і ў кіне -
там, дзе ружжы і ружы.
Была кацюня там адна
зусім невыпадкова,
на шчасьце чорнага ката
звалілася падкова.

Экраны
асьветліць "Партызанскі фільм".
Мы Канны
з маёй кацёнаю скарым.
На тапкі
нам хопіць эўра і рублёў!
Нам будзе клёвым кожны клёў!

Partyzone feat. Руся "Кацінае сэрца"
І рыба, і мяса, і малочны пах.
Ды ўсё ж не хапае чагось, аж жах.
Пуза гарбузам. Пабліскваюць яйкі,
што не адцялі, дык дзякуй, хазяйка!

А маё сэрца
да коткі рвецца,
што на парожку
вяжа панчошку.
А маім лапкам
трэба тапкаў
пашытых ёй тапкаў,
пашытых ёй тапкаў.

Топлес "Пара чулков и тапочки"
Ты в моём вязании рядок.
Я тебя хочу, мой ты коток.
Мы с тобой кошачьи всё ж не зря
соединиться нам пора,
тигрыще мой!
Я подсела снова на порог.
Я вяжу опять тебе чулок.
Но всё не дождусь тебя никак.
Подай же мне хотя бы знак,
тигрыще мой!

Пара чулков и тапочки,
чтобы не мёрзли лапочки.
Пара подарков котику,
котику-обормотику.
Пара чулков и тапочки.
Где ж ты теперь, мой лапочка?
Что бы тебе такого дать,
только б покрепче привязать?